जळगाव, दि.०९ – देशाचे पंतप्रधान नरेंद्र मोदी यांनी परवा काँग्रेस संदर्भात वक्तव्य केले होते. या वक्तव्याचा जळगावात काँग्रेसतर्फे निषेध करण्यात आला. नरेंद्र मोदी यांनी माफी मागावी अशी मागणी यावेळी करण्यात आली. दरम्यान भाजप सरकार आणि नरेंद्र मोदी यांच्या विरोधात जोरदार घोषणा देत जिल्हाधिकारी कार्यालयाचा परिसर दणाणून सोडला.
काँग्रेसचे जिल्हाध्यक्ष प्रदीप पवार, प्रदेश उपाध्यक्ष माजी खासदार डॉ. उल्हास पाटील यांच्या नेतृत्वात हे आंदोलन करण्यात आले असून यावेळी काँग्रेसचे पदाधिकारी कार्यकर्ते मोठ्या संख्येत उपस्थित होते.
