जळगाव, प्रतिनिधी : गोदावरी अभियांत्रिकी महाविद्यालयाच्या क्रीडा क्षेत्रातील यशाची परंपरा कायम राखत महाविद्यालयातील आठ खेळाडूंनी अखिल भारतीय आंतरविद्यापीठ तलवारबाजी स्पर्धेसाठी निवड मिळवली आहे. ही स्पर्धा ४ ते १२ डिसेंबर २०२६ या कालावधीत जम्मू विद्यापीठ, जम्मू येथे आयोजित करण्यात आली आहे. या राष्ट्रीय स्तरावरील स्पर्धेत हे खेळाडू डॉ. बाबासाहेब आंबेडकर तंत्रशास्त्र विद्यापीठ, लोणेरे यांचे प्रतिनिधित्व करणार आहेत.

निवड झालेल्या खेळाडूंमध्ये सायली पाटील (तृतीय वर्ष, कॉम्प्युटर इंजिनिअरिंग), सोनम गुंजाळ (द्वितीय वर्ष, इलेक्ट्रिकल इंजिनिअरिंग), तेजस पाटील (अंतिम वर्ष, आर्टिफिशियल इंटेलिजन्स अँड डेटा सायन्स), वैष्णवी साबळे (अंतिम वर्ष, आर्टिफिशियल इंटेलिजन्स अँड डेटा सायन्स),मयूर कोळी (अंतिम वर्ष, मेकॅनिकल इंजिनिअरिंग), तुषार पाटील (द्वितीय वर्ष, आर्टिफिशियल इंटेलिजन्स अँड डेटा सायन्स),साक्षी उबाळे (अंतिम वर्ष, इलेक्ट्रिकल इंजिनिअरिंग) आणि निसर्गा पाटील (द्वितीय वर्ष, आर्टिफिशियल इंटेलिजन्स अँड डेटा सायन्स) यांचा समावेश आहे.या सर्व खेळाडूंनी आंतरविभागीय तलवारबाजी स्पर्धेत उत्कृष्ट खेळाचे प्रदर्शन करत आपली गुणवत्ता सिद्ध केली. त्यांच्या सातत्यपूर्ण सराव, मेहनत आणि जिद्दीच्या बळावर त्यांना राष्ट्रीय स्पर्धेत विद्यापीठाचे प्रतिनिधित्व करण्याची संधी मिळाली आहे.

एकाच महाविद्यालयातील आठ खेळाडूंची निवड होणे ही महाविद्यालयासाठी अभिमानास्पद बाब ठरली आहे.या यशाबद्दल महाविद्यालयाचे प्राचार्य डॉ. विजयकुमार पाटील, क्रीडा संचालक डॉ. जयंत जाधव, विभागप्रमुख आणि शिक्षकवृंद यांनी सर्व खेळाडूंचे अभिनंदन केले. तसेच आगामी राष्ट्रीय स्पर्धेत उत्कृष्ट कामगिरी करून महाविद्यालयाचा व विद्यापीठाचा नावलौकिक वाढवावा, अशा शुभेच्छा दिल्या.
गोदावरी फाउंडेशनचे अध्यक्ष डॉ. उल्हास पाटील, सचिव डॉ. वर्षा पाटील, सदस्य डॉ. केतकी पाटील, डॉ. वैभव पाटील आणि डॉ. अनिकेत पाटील यांनीही खेळाडूंच्या या यशाचे कौतुक करत त्यांचे अभिनंदन केले व आगामी स्पर्धेसाठी शुभेच्छा दिल्या.








