जळगाव, प्रतिनिधी : वाढदिवसाचा अनावश्यक खर्च टाळून सामाजिक बांधिलकी जपण्याचा संदेश देत पै. शिवाजी पाटील यांनी आपल्या वाढदिवसानिमित्त ५८व्यांदा रक्तदान केले. ५ ऑक्टोबर २०२६ रोजी शासकीय वैद्यकीय महाविद्यालय व रुग्णालय, जळगाव येथे रक्तदान करून त्यांनी वाढदिवस साजरा केला.

समाजातील गरजू रुग्णांना वेळेवर रक्त उपलब्ध व्हावे आणि रक्तदानाबाबत जनजागृती व्हावी, या उद्देशाने हा उपक्रम राबविण्यात आला. वाढदिवसाच्या निमित्ताने अनावश्यक खर्च करण्याऐवजी रक्तदान करण्याचा निर्णय घेत त्यांनी सामाजिक बांधिलकीचा आदर्श निर्माण केला.

सलग ५८ वेळा रक्तदान करण्याचा त्यांचा उपक्रम समाजासाठी प्रेरणादायी ठरत असून, रक्तदानाच्या माध्यमातून गरजू रुग्णांना जीवनदान मिळावे, हा या उपक्रमामागील मुख्य उद्देश आहे.
‘रक्तदान हे श्रेष्ठदान’ असून, प्रत्येक निरोगी व्यक्तीने रक्तदानासाठी पुढाकार घ्यावा आणि गरजू रुग्णांना जीवनदान देण्यास हातभार लावावा, असे आवाहन यावेळी करण्यात आले.









