जळगाव, (प्रतिनिधी) : जळगाव शहरातील आकाशवाणी चौक परिसरातील महादेव हॉस्पिटल येथे आता ‘महात्मा ज्योतिराव फुले जनआरोग्य योजना’ (MJPJAY) आणि ‘आयुष्मान भारत’ (PM-JAY) अंतर्गत मोफत उपचार सुविधा सुरू करण्यात आली आहे. या निर्णयामुळे जळगाव जिल्ह्यातील आर्थिकदृष्ट्या दुर्बल आणि गरजू रुग्णांना मोठा दिलासा मिळाला असून, महागड्या शस्त्रक्रिया आता पूर्णपणे मोफत होणार आहेत.
हृदयविकाराच्या तपासण्या आणि शस्त्रक्रिया मोफत..
रुग्णालयाने दिलेल्या माहितीनुसार, हृदयरोगाशी संबंधित तपासण्या जसे की ECG आणि 2D ECHO तज्ज्ञ डॉक्टरांकडून विनामूल्य केल्या जाणार आहेत. तसेच, हृदयाची अँजिओग्राफी (CAG), अँजिओप्लास्टी, बायपास सर्जरी आणि पेसमेकर यांसारख्या अत्यंत खर्चिक आणि अत्याधुनिक शस्त्रक्रिया या योजनेअंतर्गत विनाशुल्क उपलब्ध करून देण्यात आल्या आहेत.
इतर गंभीर आजारांवरही मिळणार उपचार..
केवळ हृदयरोगच नव्हे, तर इतर अनेक गंभीर आजारांसाठीही महादेव हॉस्पिटलमध्ये या योजनांचा लाभ घेता येईल. यात मेंदू व न्यूरो सर्जरी, हाडांच्या गुंतागुंतीच्या शस्त्रक्रिया, किडनी स्टोन आणि डायलिसिस, कॅन्सर (कर्करोग) उपचार. या मोफत सुविधेचा लाभ घेण्यासाठी रुग्णांकडे खालीलपैकी एक कागदपत्र असणे अनिवार्य आहे:
१. रेशन कार्ड (पिवळे किंवा केशरी)
२. [आधार कार्ड रेडॅक्टेड]
३. आयुष्मान कार्ड
तज्ज्ञ डॉक्टरांची फळी आणि २४ तास सेवा..
महादेव हॉस्पिटलच्या कार्डिओलॉजी विभागात डॉ. वैभव पाटील, डॉ. जिशा सैय्यद, डॉ. सिधेश्वर खांडे आणि डॉ. मनमिता रेड्डी यांसारख्या अनुभवी तज्ज्ञांची टीम रुग्णांच्या सेवेसाठी सज्ज आहे.
