जळगाव, (प्रतिनिधी) : स्थानिक गुन्हे शाखा, जळगाव आणि मुक्ताईनगर पोलिसांनी संयुक्तरीत्या धडक कारवाई करत, मानेगाव (ता. मुक्ताईनगर) येथील एका शेतात केलेली गांजाची मोठी अवैध लागवड उध्वस्त केली आहे. या कारवाईत तब्बल ₹ २३,२२,२००/- किमतीचा गांजा जप्त करण्यात आला असून, एका आरोपीला अटक करण्यात आली आहे.
मिळालेल्या माहितीनुसार, १९ नोव्हेंबर रोजी मानेगाव, ता. मुक्ताईनगर येथील मनोज नामदेव घटे (वय ४०) याच्या शेतात ही कारवाई करण्यात आली. पोलिसांनी आरोपीच्या शेतातून ५१ नग गांजाची हिरवी झाडे जप्त केली, ज्यांचे एकूण वजन ३ क्विंटल ४१ किलो ५०० ग्रॅम (३४१ किलो ५०० ग्रॅम) इतके आहे. जप्त केलेल्या या मोठ्या साठ्यामुळे जळगाव जिल्ह्यात अंमली पदार्थांची तस्करी रोखण्याच्या दृष्टीने ही कारवाई अत्यंत महत्त्वाची मानली जात आहे. याप्रकरणी आरोपी मनोज घटे याच्याविरुद्ध मुक्ताईनगर पोलीस ठाण्यात गुन्हा दाखल करण्यात आला आहे.
पोलीस अधीक्षक डॉ. महेश्वर रेड्डी, अपर पोलीस अधीक्षक अशोक नखाते उपविभागीय पोलीस अधिकारी, भुसावळ संदीप गावित, उपविभागीय पोलीस अधिकारी, मुक्ताईनगर सुभाष ढवळे यांच्या मार्गदर्शनाखाली पार पडली.
स्थानिक गुन्हे शाखेचे वरिष्ठ पोलीस निरीक्षक राहुल गायकवाड, पोउपनि सोपान गोरे, पोहेकॉ सुनिल दामोदरे, रफिक शेख, प्रेमचंद सपकाळे, विनोद पाटील, सलीम तडवी, श्रीकृष्ण देशमुख, छगन तायडे, रतन गिते, मयुर निकम, रविंद्र चौधरी, भरत पाटील. मुक्ताईनगर पोलीस ठाण्याचे पोलीस निरीक्षक आशिष अडसुळ, सपानि जयेश पाटील, पोउपनि निलेश गोसावी, पोहेकॉ चंद्रकांत बोदडे, मोतीलाल बोरसे, चेतन महाजन, रविंद्र धनगर, दिपक ठाकरे, गोविंद पवार, श्रावण भिल, जितेंद्र महाजन आधी पोलीस कर्मचाऱ्यांचा कारवाईत सहभाग होता.
