जळगाव, (प्रतिनिधी) : जळगाव मतदारसंघातून लोकसभेसाठी खासदार म्हणून निवडून आलेल्या स्मिता वाघ त्यांच्या कारकिर्दीतल्या पहिल्याच वर्षी त्यांना ‘उत्कृष्ट संसद रत्न’ हा पुरस्कार प्राप्त झाला. यासाठी समस्त जळगावकरांच्या वतीने परिवर्तन ने छत्रपती संभाजी राजे नाट्यगृहात ‘सुंदर मी होणार’ या नाट्यप्रयोगाच्या दरम्यान हा सत्कार केला.
डॉ. राजेश पाटील, रोहित निकम, प्रेम कोगटा, अविनाश जाधव यांच्यासोबत अभिनेते विद्याधर जोशी, आस्ताद काळे, ऋषिकेश चव्हाण, परिवर्तन प्रमुख अनिल कांकरिया, अनिश शहा, नंदलाल गादिया, अमर कुकरेजा, छबिराज राणे, किरण बच्छाव, नारायण बाविस्कर हे उपस्थित होते. परिवर्तन च्या वतीने मानपत्र देण्यात येऊन हा सन्मान करण्यात आला. मानपत्राचे वाचन सुनीला भोलाणे यांनी केले तर प्रास्ताविक व संचालन हर्षल पाटील यांनी केले.
