रावेर, (प्रतिनिधी) : शहरातील रामचंद्र नगर आणि डॉ. आंबेडकर चौकात आयपीएल सामन्यांवर सट्टा लावणारे व जुगार खेळणाऱ्यांवर रावेर पोलीस स्टेशनतर्फे कारवाई करण्यात आली. यात रावेर पोलिसांनी दोन्ही कारवाईत आयपीएल सामन्यांवर सट्टा खेळणाऱ्या इसमांवर कारवाई करुन एकुन ०१ लाख २२ हजार ५०० रुपयाचा मुदेमाल जप्त केला आहे.
गुप्त बातमीदार व्दारे पोलिसांना माहीती मिळाली, रावेर शहरात दि.१२ एप्रिल रोजी संध्याकाळी ५.३० वाजेच्या सुमारास रामचंद्र नगरात घराचे आडोशाला दोन इसम हे आयपीएल क्रिकेट मॅचवर संघाचे हार जितवर लोकांकडुन पैसे घेवुन जुगाराचा खेळ खेळताना व जुगार लावताना दिसून आले. सदर इसमांवर छापा टाकला असता उभे असलेले इसम गल्ली बोळाचा फायदा घेवुन पळून गेले. त्या पैकी जुगाराचा खेळ घेणारे इसम हिरामण दगडु चौधरी (वय-६२, रा. रामचंद्र नगर, रावेर), आकाश हिरामण चौधरी (वय ३०, रा. रामचंद्र नगर, रावेर) असे पिता पुत्र यांना जागीच पकडुन त्यांची अंगझडती दरम्यान त्यांचेजवळ जुगाराचे बुक व काही मोबाईल मिळून आले आहेत. सदर इसमांवर रावेर पोस्टे येथे गुन्हा दाखल करून त्यांच्याकडून १ लाख १ हजार ५०० रुपयांचा मुद्देमाल जप्त केला आहे.
तसेच दुसऱ्या कारवाईमध्ये रावेर शहरात डॉ. बाबासाहेब आंबेडकर चौक येथे जुगारावर छापा टाकला असता उभे असलेले इसम गर्दीचा फायदा घेवुन पळुन गेले. त्यापैकी जुगाराचा खेळ घेणारा इसम अमनखाॅ मनसुरखॉ (रा. उटखेडा रोड, फतेहनगर, रावेर) यास पकडुन त्यांची अंगझडती घेतली. त्यांचे जवळ जुगाराचे बुक व मोबाईल मिळून आले आहेत. अमन खान याच्यावर गुन्हा दाखल करण्यात आला असून त्याचेकडून एकुण ११ हजार रुपयांचा मुदेमाल जप्त करण्यात आला.
सदर कार्यवाही ही पोलिस अधिक्षक डॉ. महेश्वर रेडडी, अप्पर पोलिस अधिक्षक अशोक नखाते, डीवायएसपी कृष्णात पिंगळे यांच्या मार्गदर्शनात रावेर पोलिस स्टेशनचे पोलिस निरीक्षक डॉ विशाल जयस्वाल, गुन्हे शोध पथकातील पो.ना. कल्पेश आमोदकर, पो.शि. प्रमोद पाटील, श्रीकांत चव्हाण, महेश मोगरे, विकार शेख, विशाल पाटील, सविन घुगे, सुकेश तडवी यांनी केली असुन गुन्ह्याचा पुढील तपास कल्पेश आमोदकर हे करीत आहेत.
