पाचोरा, (प्रतिनिधी) : शहरातील मोंढाळा रोडवर झालेल्या अपघातात २६ वर्षीय बांधकाम कारागिराचा दुर्दैवी मृत्यू झाल्याची घटना दि. २२ रोजी सायंकाळी ७:३० वाजेच्या सुमारास घडली आहे. याबाबत पाचोरा पोलीस स्टेशनमध्ये अकस्मात मृत्यूची नोंद करण्यात आली आहे.
हर्षल बाबुलाल तडवी (वय २६ वर्ष, रा. बहिरम नगर, पाचोरा) असे मयत तरुणाचे नाव आहे. त्याचे पश्चात वृद्ध आई, वडिल, पत्नी, एक भाऊ असा परिवार आहे. हर्षल तडवी हा सायंकाळी मित्रास घरी सोडुन आपल्या घराकडे परतत होता. मोंढाळे रोडवर दि. २२ मार्च रोजी सायंकाळी ७:३० वाजता मोटरसायकल अपघातात त्याच्या डोक्यास गंभीर स्वरूपाचा मार लागल्याने त्याचा जागीच मृत्यू झाला.
हर्षल तडवी याचा मृतदेह पाचोरा ग्रामीण रुग्णालयात दाखल करण्यात आला. पाचोरा पोलिस स्टेशनमध्ये अकस्मात मृत्यूची नोंद करण्यात आली आहे. घटनेचा पुढील तपास पोलिस निरीक्षक अशोक पवार यांच्या मार्गदर्शनाखाली सहाय्यक फौजदार सुनिल निकम हे करीत आहे.
