रावेर, (प्रतिनिधी) : मंगरूळ येथील एका दुचाकी चोरट्याला रावेर पोलिसांनी अटक केली आहे. दरम्यान त्याच्याकडून पाल येथे चोरी केलेली दुचाकी जप्त करण्यात आली आहे. गोपनीय माहितीवरून संशयित आरोपीला ताब्यात घेतल्यावर मुद्देमाल जप्त झाला आहे.
रावेर पोलिसांनी मंगरूळ येथील दुचाकी चोरट्याला अटक करीत पाल येथून चोरी केलेली दुचाकी जप्त केली आहे. गोपनीय माहितीवरून संशयित आरोपीला ताब्यात घेतल्यावर मुद्देमाल जप्त झाला आहे.
कालू बादशाह बिलाला (वय १८, मंगरूळ) असे अटकेतील आरोपीचे नाव आहे. रावेर तालुक्यातील पाल येथील मुख्य रस्त्यावरून हिरो होंडा कंपनीची महागडी युनिकॉन चोरट्याने चोरून नेली होती. याबाबत रावेर पोलिसात गुन्हा दाखल झाला होता. रावेर पोलिसांना संशयित कालू बादशाह बिलाला याच्याकडे चोरीची दुचाकी असत्याची माहिती मिळाल्यानंतर त्यास ताब्यात घेण्यात आले. दरम्यान त्याने चोरीची दुचाकी काढून दिली.
ही कारवाई जळगाव पोलीस अधीक्षक डॉ. महेश्वर रेड्डी, अपर अधीक्षक अशोक नखाते, उपविभागीय पोलीस अधिकारी कृष्णात पिंगळे यांच्या मार्गदर्शनाखाली पोलीस निरीक्षक विशाल जयस्वाल, पोलीस उपनिरीक्षक तुषार पाटील, हेड कॉन्स्टेबल ईश्वर चव्हाण, कॉन्स्टेबल श्रीकांत चव्हाण, सचिन घुगे, प्रमोद पाटील, विशाल पाटील, सोनू तडवी, महेश मोगरे, अतुल गाडीलोहार आदींच्या पथकाने केली.
