अमळनेर, दि.10 – येथील गजानन महाराज संस्थेच्या वतीने मंगळवारी भक्तांची पायीवारी शेगांवला रवाना झाली. दरम्यान गजानन महाराज मंदीरात सकाळी पाच वाजता महाआरती करत पादूकापूजन करण्यात आले.
यानंतर मंदीरापासून शिस्तबद्ध पद्धतीने वाजतगाजत पायी वारी निघाली. रस्त्यावर दोन्ही बाजूंना महीला वर्गाने रांगोळी काढल्याने वातावरण भक्तीमय झाले होते. दरम्यान वारीत अमळनेर तालुक्यातील गावागावातून भाविकांनी सहभाग घेतला.
या पायी वारीचे नियोजन संस्थानचे अध्यक्ष आर बी पवार यांनी केले. गावात ठीक ठिकाणी पायीवारीचे जोरदार स्वागत करण्यात आले.
