आ. अमोल चिमणराव पाटील यांचा नागरि सत्कार
पारोळा, (प्रतिनिधी) : गेल्या काही दिवसांपुर्वीच एरंडोल विधानसभा निवडणुकीचा निकाल जाहीर झाला. यात आ. अमोल पाटील यांनी ५६३३२ इतक्या मोठ्या फरकाने विजय संपादन केला. त्यानिमित्त शहरातील सुर्यवंशी बारी समाज पंच मंडळ व पवनपुत्र मित्र मंडळाचा वतीने नागरी सत्काराचे आयोजन करण्यात आले.
सर्वप्रथम श्री हनुमंत व सुर्यवंशी बारी समाजाचे आराध्यदैवत श्री संत रूपला महाराज यांनी वंदन करून कार्यक्रमाला सुरूवात करण्यात आली. तद्नंतर सुर्यवंशी बारी समाज पंच मंडळ व पवनपुत्र मित्र मंडळाचा वतीने आ.अमोल चिमणराव पाटील यांचा सत्कार समारंभ पार पडला.
या सोहळ्यात देवगांव सरपंच समीर पाटील, पारोळा नगरपरिषदेचे माजी नगराध्यक्ष दयाराम पाटील यांनी मार्गदर्शन केले. तर मुख्य मार्गदर्शन करतांना या समाजाने आजवर माजी आमदार चिमणराव पाटील यांच्यासोबत ४० वर्ष भक्कमपणे साथ दिली, तशीच साथ मला या निवडणुकीत आपण दिली. हा या कार्यकाळातील पहिलाच सत्कार माझा आपल्या समाजाचा माध्यमाने करण्यात आला. बारी समाजाचे आभार मानावे तेवढे थोडेचं आहे, परंतु या आपण दिलेल्या प्रेमाची परतफेड मी आगामी काळातील विकासकामांचा माध्यमातून करणार असल्याचे आ. अमोल पाटील यांनी बोलताना सांगितले.
प्रसंगी शहरप्रमुख अमृत चौधरी, माजी नगरसेवक मनोज जगदाळे, सुरेश बारी, सोमनाथ बारी, योगेश पाटील, मोतीलाल बारी, सुनिल बारी, महेंद्र बारी यांचेसह सुर्यवंशी बारी समाज पंच मंडळाचे आजी-माजी पदाधिकारी, सदस्य, पवनपुत्र मित्र मंडळाचे आजी-माजी पदाधिकारी, सदस्य मान्यवर उपस्थित होते.
