जळगाव, (प्रतिनिधी) : पाळधी जवळील झुरखेडा गावठाणात परिसरात येत्या २५ डिसेंबर ते ३० डिसेंबर या कालावधीत बागेश्वर धाम येथील बाबा धीरेंद्र शास्त्री यांच्या कथेचे आयोजन करण्यात आले आहे. या आयोजनासाठी झालेल्या बैठकीत माजी जिल्हा परिषद सदस्य प्रतापराव गुलाबराव पाटील, पी सी पाटील, त्रिमूर्ती शैक्षणिक संस्थेचे संचालक मनोज पाटील यांनी उपस्थित त्यांना मार्गदर्शन केले. यावेळी विविध गावांचे सरपंच आणि कार्यकर्ते उपस्थित होते.
बाबाजी धीरेंद्र शास्त्री यांच्या दिव्य कथेचे आयोजन संदर्भात झालेल्या बैठकीत आयोजनाची सर्व तयारी आणि व्यवस्था याबाबतचे विस्तृत चर्चा झाली. प्रताप पाटील यांनी आयोजनासाठी आवश्यक असलेल्या सुविधा आणि संसाधनांची पूर्तता करण्याचे आश्वासन दिले. बाबा धीरेंद्र शास्त्री यांच्या दिव्य कथेमुळे समुदायात आध्यात्मिक जागृती होण्यास मदत होईल. या आयोजनातून लोकांना धार्मिक आणि सांस्कृतिक मूल्यांची जाणीव करून देण्याचा प्रयत्न केला जाईल. असा विश्वास त्यांनी बोलताना व्यक्त केला.
धीरेंद्र शास्त्री यांच्या कथा झुरखेडा गावठाण परिसरात होत असल्याने लोकांना धार्मिक, सांस्कृतिक आणि आध्यात्मिक अनुभव मिळेल, याची खात्री करण्यासाठी सर्वजण एकत्रितपणे काम करीत आहेत. विविध गावांचे लोकप्रतिनीधी आणि कार्यकर्त्यांनी आयोजनासाठी आवश्यक असलेली मदत आणि सहकार्य देण्याचे वचन दिले.
