डॉ.अनुज पाटील यांना मिळतोय उत्स्फुर्त प्रतिसाद
जळगाव, (प्रतिनिधी) : डॉ. अनुज पाटील हे महाराष्ट्र नवनिर्माण सेनेचे (मनसे) जळगाव शहरातील अधिकृत उमेदवार असून त्यांच्या उमेदवारीमुळे शहरातील राजकीय वातावरण चांगलेच तापले आहे. डॉ. पाटील यांचे संपूर्ण कुटुंब त्यांच्या प्रचार मोहिमेत सक्रीय सहभागी झालेले आहे, आणि ते जळगाव शहरातील विविध विभागांमध्ये नागरिकांशी थेट संवाद साधत आहेत.
डॉ. पाटील यांच्या प्रचार मोहिमेत त्यांच्या कुटुंबातील सदस्यांनी जणू काही प्रचाराचेच नेतृत्व घेतल्याचे चित्र दिसून येत आहे. त्यांच्या पत्नी, मुले, आणि अन्य नातेवाईक मतदारांशी संवाद साधत मनसेच्या धोरणांचे समर्थन करत आहेत. विविध कार्यक्रम, सभा, रॅली आणि घर भेटी यांचे आयोजन करून डॉ. पाटील यांच्या विजयासाठी आवाहन करण्यात येत आहे. दरम्यान याभेटी प्रसंगी नागरिकांमधून उत्स्फुर्त प्रतिसाद मिळतोय.
