अमळनेर, (प्रतिनिधी) : शहरातील पटवारी कॉलनीत रविवारी एक हृदयद्रावक घटना घडली आहे. घरातील पाण्याच्या टाकीत पडून एका महिलेचा मृत्यू झाला असून दिनांक २० रोजी सकाळी ७ वाजण्याच्या सुमारास पटवारी कॉलनीतील ओम शांती केंद्राजवळ घडली. अमळनेर पोलीस स्टेशनला अकस्मात मृत्यूची नोंद करण्यात आली आहे.
जयश्री सुनील चौधरी (वय ४३) मयत महिलेचे नाव आहे. जयश्री यांच्या पश्चात पती, मुलगा, मुलगी असा परिवार आहे. (केपी)पहाटे ५ वाजण्याच्या सुमारास त्या घरातील पाण्याची टाकी भरली की नाही, हे पाहण्यासाठी गेल्या असता, त्यांचा पाय घसरून त्या टाकीतील पाण्यात बुडाल्या.
बराच वेळ होऊनही पत्नी अजून घरात का आली नाही, म्हणून त्यांचे पती सुनील चौधरी व त्यांची कन्या शोध घेत असताना, त्यांना जयश्री टाकीत बुडालेल्या दिसल्या. त्यांनी लागलीच त्यांना बाहेर काढून एका खासगी रुग्णालयात दाखल केले. तेथील डॉक्टरांनी तपासून जयश्री यांना मृत घोषित केले.
यावेळी कुटुंबीयांनी रुग्णालयात आक्रोश केला. दरम्यान महिलेच्या मृत्यूमुळे पटवारी कॉलनीत एकच खळबळ उडाली होती. अमळनेर पोलीस स्टेशनला अकस्मात मृत्यूची नोंद करण्यात आली आहे.
