जळगाव दि. २१ (प्रतिनिधी) : अखिल भारतीय ग्राहक पंचायत मध्य महाराष्ट्र प्रांत चे अधिवेशन जळगाव येथे नुकतेच संपन्न झाले. दरम्यान जैन उद्योग समूहाचे अध्यक्ष अशोक जैन यांना राष्ट्रीय उद्योग रत्न पुरस्काराने सन्मानित करण्यात आले.
अखिल भारतीय ग्राहक पंचायतचे जिल्हाध्यक्ष डॉ.अनिल देशमुख, विजय मोहरीर, ॲड.भारती अग्रवाल, निर्मला देशमुख, विद्या राजपूत, प्रतिभा सूर्यवंशी, मकसुद बोहरी, महेश कोठवदे, स्मिता चंद्रात्रे, बाळकृष्ण वाणी, सुभाष पाटील, संजय रतन पाटील, ॲड निलेश सूर्यवंशी, उदय पवार आदी मान्यवरांचे उपस्थितीत जिल्हाध्यक्ष डॉ.अनिल देशमुख यांचे हस्ते स्मृती चिन्ह, मानपत्र व सुवर्ण महोत्सवी ग्राहक बिंदू श्री क्षेत्र ओझर प्रकाशित स्मरणिका प्रदान करीत गौरवण्यात आले.
जिल्हाध्यक्ष डॉ.अनिल देशमुख यांनी आपले मनोगत व्यक्त करताना म्हणाले की, जैन उद्योग समूह व राष्ट्रपिता महात्मा गांधी यांचे नावाने उभारण्यात आलेले गांधी तीर्थ, म्युझियम, माझे जीवनच माझा संदेश आहे हे सांगणारा महात्मा गांधी यांचे भव्य शिल्परुपी पुतळा म्हणजे गांधी विचारांचे जागतिक स्थरावर दैदिपवान कीर्ती क्षेत्र विद्यापीठ असल्याचे विचार करीत अशोक जैन यांनी तिर्थसवरुप भवरलाल जैन यांचे वारसा जपत सामान्य शेतकरी यांच्या जीवनमानात परिवर्तन आणले. अशा कर्मविर अशोक जैन यांना राष्ट्रीय उद्योग रत्न पुरस्कार वितरण होत असल्याबद्दल आनंद व्यक्त केला.
अशोक जैन यांनी आपले भावपूर्ण कृतज्ञाभाव व्यक्त करीत सातत्यपूर्ण कार्य करीत अखिल भारतीय ग्राहक पंचायत ची प्रगतीचा आलेख उंचावणारा असून ग्राहक तिर्थ बिंदुनाना माधव जोशी यांचे शोषण मुक्त समाज निर्मितीचे स्वप्न येणाऱ्या ५० वर्षात अखिल भारतीय ग्राहक पंचायत ने पूर्णत्वास येऊन साकार करावे असे आवाहन केले आहे. तसेच श्री राम जन्म भूमी अयोध्या येथे गुरुमाऊली मोरे दादा यांचा सहवास लाभल्याचा उल्लेख करीत भूमिपुत्र रामलला विशेष अंक उपस्थितांना त्याचे स्वहस्ते सप्रेम भेट म्हणून दिलेत. कार्यक्रमाचे प्रास्तविक ॲड.भारती अग्रवाल यांनी केले
