जळगाव, दि.०८ (प्रतिनिधी) : मेहरुण मधील रामेश्वर कॉलनी परिसरात संस्कृती टिकवण्यासाठी लोकांमध्ये जनजागृती होण्यासाठी श्री महालक्ष्मी मित्र मंडळातर्फे विविध उपक्रम राबविले जात आहे. त्याचाच एक भाग म्हणून भक्तिमय वातावरणात शारदा नवरात्रोत्सवा निमित्त १०८ कन्याकुमारी पूजन करण्यात आले. संध्याकाळी हा कार्यक्रम भक्तिमय वातावरणात पार पडला.
मंडळाच्या प्रत्येक सदस्या कडून सर्वप्रथम प्रत्येक बालिकेचे पाय धुण्यात आले. नंतर पूजा करून त्यांना शालेय उपयोगी वस्तू देण्यात आल्या. कार्यक्रमाचे आयोजक मुकेश नाईक, अतुल महाजन, कल्पेश देवरे, अध्यक्ष सागर देवरे यावेळी उपस्थित होते. मंडळातील सर्व कार्यकर्त्यांनी परीश्रम घेतले. कार्यक्रमाला परिसरातील महिला- पुरुष यांचे सहकार्य लाभले.
