जळगाव, दि.२९ (प्रतिनिधी) : येथील मानव सेवा मंडळ संचलित प्राथमिक विद्या मंदिरातील विद्यार्थ्यांनी शासकीय बाल चित्रकला स्पर्धेत तालुकास्तरावर यश मिळवलेले आहे. शासकीय बालचित्रकला स्पर्धा दि.१३ ऑगस्ट २०२४ रोजी भगीरथ शाळेत घेण्यात आली या शाळेतील इयत्ता पाचवी ते सातवी या गटात एकूण १४ विद्यार्थ्यांनी सहभागी झाले होते.
यात साक्षी लहू सोनवणे इयत्ता सातवी हिने तालुकास्तरावर क्रमांक मिळवलेला आहे. या विद्यार्थ्यांना शाळेतील कलाशिक्षक सुनील दाभाडे यांच्यासह प्राथमिक विभागाच्या मुख्याध्यापिका माया आंबटकर बालवाडी मुख्याध्यापिका मुक्ता पाटील यांचे मार्गदर्शन लाभलेले आहे.
यशाबद्दल संस्थेचे अध्यक्ष डॉ. आर .एस. डाकलिया व मानद सचिव विश्वनाथ जोशी सर्व पदाधिकारी सदस्य सर्व शिक्षक व कर्मचारी यांनी अभिनंदन केले.
