खान्देश प्रभात न्युज | श्रावण महिन्यात उपवास केले जातात. काहीजण फक्त या महिन्यात अतिशय कडक उपवास करतात. तसेच श्रावण महिन्यात मांसाहार केला जात नाही. दरम्यान या महिन्यातील अनेक धार्मिक सणवार साजरे करत देवाची पूजा अर्चा केली जाते.
श्रावणात मांसाहार न करण्यामागे काही वैज्ञानिक कारण आहेत. याची अनेकांना माहिती नाही. काही लोक याला परंपरेशी जोडतात. मात्र श्रावणात मांसाहार न करण्यामागेही काही महत्त्वाची वैज्ञानिक कारणं आहेत.
महत्वाचे पहिले कारण म्हणजे वातावरणातील बदल, या काळात पावसाळा ऋतू असतो. याचा थेट परिणाम आपल्या आरोग्यावर होण्याची शक्यता असते. दरम्यान पावसाळ्यात आपली पचनशक्ती कार्यप्रणाली थोडी मंदावली असते. त्यामुळे मांस, मटन, मासे हे पदार्थ खाल्ल्यास ते पचायला जड जातात. यामुळे श्रावणात नॉनव्हेज पदार्थ टाळले जातात.
तसेच श्रावण महिन्यात प्राण्यांच्या प्रजननाचा काळ मानला जात असल्याने या काळात मासे व अन्य प्राण्यांची गर्भधारणा होत असते. दरम्यान या प्रजनन काळात मासेमारी सातत्याने होत राहिली तर माशांच्या प्रजाती धोक्यात येऊ शकते. हे देखील याचे कारण मानले जाते. मात्र अस काहीजण मानत नाहीत आणि याला परंपरेच्या गोष्टीची जोड देतात.
त्याच प्रमाणे पावसाळ्यात ओलसर व दमटपणा वाढलेला असल्याने अशा वातावरणात मांसावरील बॅक्टेरिया वेगाने वाढत असतो. आणि अशा परिस्थितीत मांसाहार केल्यामुळे अनेक शारीरिक व्याधी उद्भवू शकतात. त्यामुळे श्रावणात मांसाहार टाळला जातो.
