चाळीसगाव शहर पोलीस स्टेशनची कारवाई
जळगाव | दि. ०५ जुलै २०२४ | जिल्ह्यासह हद्दपार करण्यात आलेल्या आरोपीला चाळीसगाव पोलिसांनी अटक केली असून पोलीस निरीक्षक संदीप पाटील यांच्या मार्गदर्शनाखाली हि कारवाई करण्यात आली आहे.
पोलिसांना मिळालेल्या माहितीनुसार हद्दपार असलेला जगदीश महाजन हा चाळीसगाव शहरातील वसंत डेअरीजवळ आढळून आला. पोलीस उपनिरीक्षक, योगेश माळी, पोकॉ पवन पाटील, रविंद्र बच्छे, गोपाल पाटील आदींनी त्याला ताब्यात घेतले. त्याने धक्काबुक्की करत पळून जाण्याचा प्रयत्न केला. मात्र पथकाने त्याला तात्काळ ताब्यात घेत त्याच्या विरुद्ध अटकेची कारवाई केली.
त्याच्याविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक कैलास पाटील व पोहेकॉ विनोद भोई करत आहेत. आरोपी जगदीश महाजन हा सराईत गुन्हेगार असून त्यावर शरीराविरुद्धचे व अंमली पदार्थ अवैध मार्गाने विक्री प्रकरणी गुन्हे दाखल आहेत.
