जळगाव | दि.०१ ऑगस्ट २०२४ | गोवा स्थित फ्लाय ९१ विमान कंपनीने गोवा पर्यटन आणि इंडियन हॉटेल कंपनी लिमिटेड (आईएचसीएल) यांच्या विद्यमान सहयोगाने जळगाव महाराष्ट्र येथे ‘रोड शो’ कार्यक्रम आयोजित केला होता. जळगाव हे सोने, कापूस आणि केळी या तीन गोष्टींसाठी जाणले जाते, तर इथून अधिकाधिक पर्यटक गोव्यात यावेत या ध्येयाने हा कार्यक्रम आयोजित करण्यात आला होता.
फ्लाय९१ने नुकतीच जळगाव ते गोवा दैनंदिन विमानसेवा सुरु केली आहे. कार्यक्रमाच्या माध्यमातून जळगाव ते गोवा पर्यटकांची सकारात्मक हालचाल समजून घेता येईल अशी आशा यावेळी वर्तवण्यात अली आहे. जळगावातील स्थानिक वयापारी संस्था, ट्रॅव्हल एजेन्सी, कार्यक्रम नियोजक आणि विवाह नियोजक कार्यक्रमाला उपस्थित होते. दरम्यान जळगावमधील विक्रेते आणि खरीदीदारांशी एक सकारात्मक संवाद झाला, फ्लाय९१च्या रोजच्या सेवांच्या तुलनेत आम्हाला येथे मोठ्या प्रमाणावर स्वारस्य अपेक्षित आहे,” असे फ्लाय९१चे मुख्य महसूल अधिकारी आशुतोष चिटणीस म्हणाले.
“फ्लाय९१ गोव्याची खास ओळख करून देणाऱ्या विविध उपक्रमांद्वारे गोव्यातील पर्यटनाला चालना देण्यासाठी वचनबद्ध आहे. या वचनबद्धतेमुळे फ्लाय ९१ने गोवा पर्यटन तसेच आईएचसीएल समूहासोबत सामंजस्य करार केला आहे. जे जळगाव सारख्या नवीन देशांतर्गत बाजारपेठांना चालना देण्यासाठी ३३ विविध निवास उत्पादने देतात,” चिटणीस म्हणाले.
गोव्यातील पर्यटन आणि शाश्वत विकासाला चालना देण्यासाठी फ्लाय ९१ने अलीकडेच गोव्याच्या पर्यटन विभागासोबत करार केला आहे. फ्लाय ९१ स्थानिक आदरातिथ्य व्यवसायांना समर्थन देईल आणि पर्यटन विभाग परिषद, प्रवास प्रदर्शन आणि सोशल मीडियावर प्रचार करेल. या भागीदारीचा उद्देश पर्यटनाला चालना देणे आणि गोव्याचे आदरातिथ्य क्षेत्र मजबूत करणे आहे.
“अशा रोड शोचे आयोजन करून, शाश्वत आणि पुनरुत्पादक पर्यटनावर केंद्रित असलेल्या गोव्यात संभाव्य पर्यटकांना आकर्षित करण्यासाठी भारतातील प्रादेशिक केंद्रांना लक्ष्य करण्याचे आमचे ध्येय आहे. फ्लाय९१ आणि आईएचसीएल सोबतची आमची भागीदारी या प्रयत्नांना बळकट करेल आणि जळगावमधील पर्यटन आणि प्रवासी उद्योगातील भागधारकांना गोव्याच्या बाजारपेठेची सर्वसमावेशक माहिती प्रदान करेल,” असे गॅविन डायस, जनरल मॅनेजर, मार्केटिंग, जीटीडीसी म्हणाले.
“हा रोड शो आईएचसीएलला गोव्याला फुरसतीचे, व्यावसायिक कार्यक्रमांसाठी आणि विवाहसोहळ्यांचे ठिकाण म्हणून दाखवून देतो आणि जळगावमधील उद्योग भागधारकांना आमच्या आदरातिथ्य ऑफरची ओळख करून देतो,” असे गोव्यातील आईएचसीएलचे व्यावसायिक संचालक मौसम भट्टाचार्जी यांनी सांगितले.
फ्लाय९१ बद्दल माहिती..
फ्लाय ९१ ही गोव्यातील एक प्रादेशिक विमान कंपनी आहे, ज्याचे लक्ष्य भारतातील लहान शहरांशी हवाई संपर्क सुधारण्याचे आहे. अनुभवी व्यावसायिकांनी स्थापन केलेल्या आणि निधीद्वारे समर्थित, फ्लाय९१ पुढील पाच वर्षांत ५० शहरांना जोडण्याची योजना आखत आहे. ते त्यांच्या ताफ्यात ३० विमाने जोडतील, जी देशभरातील विविध केंद्रांवर असतील. त्यांनी त्यांची सुरक्षा, कार्यक्षमता आणि टिकाऊपणा यासाठी एटीआर ७२-६०० विमाने निवडली आहेत.
