जळगाव | दि.२३ जुलै २०२४ | यावल वनविभाग व उमेद स्किल डेव्हलपमेंट फाउंडेशनतर्फे पर्यावरण संरक्षण आणि वृक्षारोपणाला प्रोत्साहन देण्याच्या उद्देशाने जळगाव शहरातील रेल्वे स्टेशन परिसरात नागरिकांना ४००० रोपं मोफत वाटप करण्यात आले. ‘एक पेड माँ के नाम’ या मोहिमे अंतर्गत शुक्रवारी हा कार्यक्रम संपन्न झाला.
यावेळी आमदार सुरेश भोळे (राजुमामा), यावल वनविभागाचे उपवनसंरक्षक जमीर एम. शेख, चोपडा येथील सहा. वनसंरक्षक प्रथमेश वि. हाडपे, वनक्षेत्रपाल स्वप्निल फटांगरे, सुनिल भिलावे आदि उपस्थित होते.
याप्रसंगी फळ झाडांची तसेच इतर प्रकारच्या झाडांची रोपे वाटप करण्यांत आली. कार्यक्रमाच्या आयोजकांनी कार्यक्रमाचे महत्व स्पष्ट करत, पर्यावरणाच्या संरक्षणसाठी वृक्षारोपणाचे महत्व अधोरेखित केले. तसेच सहभागी नागरीकांना रोपांची योग्य प्रकारे काळजी घेण्यासाठी आवश्यक सूचना देण्यात आल्या.