जळगाव, दि.१७ – शहरातील छत्रपती शिवाजीनगर हुडको परिसरात आज सोमवारी दिवसाढवळ्या एकाने हवेत गोळीबार केल्याचा प्रकार समोर आलायं. या घटनेमुळे परिसरात खळबळ उडाली असून पोलिसांनी संशयिताला ताब्यात घेतलं आहे.
छत्रपती शिवाजीनगराती हुडको भागात कुठल्यातरी जुन्या वादातून भांडण सुरू होते. या ठिकाणी बघ्यांनी मोठ्या प्रमाणात गर्दी केली होती. दरम्यान वाद घालणार्‍यांपैकी एकाने हवेत गोळीबार केल्याने एकच गोंधळ उडाला. यावेळी परिसरात मोठ्या प्रमाणात दहशत निर्माण झाली.
या संदर्भातील माहिती पोलिसांना समजतात पोलीस घटनास्थळी दाखल झाले. व गोळीबार करणाऱ्या संशयित दीपक बागुल याला ताब्यात घेतले आहे. दरम्यान या संपूर्ण प्रकाराची पोलीसांच्या वतीने कसून चौकशी करण्यात येत आहे. संशयित हा एका गंभीर गुन्ह्यातील आरोपी असून त्याला सध्या जामीनावर सोडण्यात आले होते. अशी प्राथमीक माहिती समोर येत आहे.
