जळगाव, दि.२२ – देशाचे पंतप्रधान नरेंद्र मोदी यांच्या नेतृत्वाखाली केंद्र सरकारला ९ वर्षे पूर्ण झाली या निमित्त ‘मोदी @ ९ जनसंपर्क अभियान’ ३० मे ते ३० जून राबविण्यात येत आहे. या अनुषंगाणे आज गुरूवारी भारतीय जनता पार्टी जळगाव जिल्हा महानगरच्या वतीने मंडल क्र.५ मध्ये ‘घर घर चलो संपर्क अभियान’ राबविण्यात आले.
यावेळी आमदार सुरेश भोळे, खासदार उन्मेश पाटील, महानगर जिल्हाध्यक्ष दीपक सूर्यवंशी यांच्या प्रमुख उपस्थिती होती. पिंप्राळा परिसरातील नागरिकांच्या घरोघरी जाऊन त्यांच्याशी संवाद साधण्यात आला. तसेच देशाचे पंतप्रधान नरेंद्र मोदी यांनी केलेल्या कार्याची पुस्तिका नागरिकांना देण्यात आली.
याप्रसंगी संघटन सरचिटणीस विशाल त्रिपाठी, डॉ. राधेश्याम चौधरी, उज्वला बेंडाळे, अमित देशपांडे, ‘घर घर चलो संपर्क’ अभियानाचे प्रमुख जयेश भावसार, नगरसेवक शोभा बारी, मयूर कापसे, विजय पाटील, शक्ती महाजन, अजित राणे, दीप्ती चिरमाडे, नीतू परदेशी, छाया सारस्वत, ज्योती पालीवाल, आनंद सपकाळे, उमेश सूर्यवंशी, राहुल पाटील यांच्यासह सर्व पदाधिकारी व कार्यकर्ते मोठ्या संख्येने उपस्थित होते.
