लालसिंग पाटील | भडगाव, दि. 01 – कजगाव येथे तितुर नदीला आलेल्या महापुरात अनेकांचे संसार उध्वस्त झाले. यात घरातील साहित्य पूर्णपणे वाहून गेल्याने संसार उघड्यावर आला. त्यामुळे अनेक कुटुंबावर उपासमारीची वेळ आली होती. झालेले नुकसान पाहून कजगाव येथील तीनही रेशन दुकानदारांनी पुढाकार घेत नुकसानग्रस्त नागरिकांना प्रत्येकी दहा किलो गहू व दहा किलो तांदूळ माणुसकीच्या नात्याने देण्यात आले.
यावेळी सामाजिक कार्यकर्ते दिनेश पाटील, रेशन दुकानदार भीमराव महाजन, दादाभाऊ पाटील, राजेंद्र पाटील, निलेश भुषण पाटील, रतन महाजन, गौरव पाटील, संदेश पाटील आदी उपस्थित होते.
