जळगाव, दि.१२ – राष्ट्रवादी काँग्रेसचे अध्यक्ष खा. शरद पवार यांच्या वाढदिवसानिमित्त जळगाव जिल्हा राष्ट्रवादी काँग्रेस पार्टी कार्यालयात सकाळी १०.१० वाजता विधान परिषद सदस्य एकनाथराव खडसे यांच्या हस्ते पक्ष ध्वज फडकवण्यात आला. तसेच पक्ष कार्यालयात सर्व मान्यवर व कार्यकर्त्यांच्या उपस्थितीत केक कापण्यात आला.
राष्ट्रवादी काँग्रेसचे जिल्हाध्यक्ष ऍड. रवींद्र पाटील व आ. एकनाथराव खडसे यांनी वाढदिवसानिमित्त कार्यकर्त्यांनी पक्ष वाढविण्यासाठी प्रयत्न करावेत व कशा रीतीने कार्य करावे याविषयी मार्गदर्शन केले. त्यानंतर संपूर्ण देशभरातील राष्ट्रवादी काँग्रेसच्या सर्व प्रमुख पदाधिकाऱ्यांच्या उपस्थितीत असलेल्या ऑनलाईन कार्यक्रमात आ. एकनाथराव खडसे यांनी छत्रपती संभाजी राजे नाट्यगृहातुन जळगाव जिल्ह्याच्यावतीने डिजिटल स्क्रिन द्वारे खा. शरद पवार यांना शुभेच्छापर संदेश दिला.
तसेच सायंकाळी रेल्वे स्टेशन जवळील डॉ. बाबासाहेब आंबेडकर यांच्या पुतळ्याजवळ फुटपाथवरील गरजू व गरीब व्यक्तींना ब्लँकेट चे वाटप करण्यात आले. याप्रसंगी गुलाबराव देवकर, अरुणभाई गुजराथी, रविन्द्र पाटील, रोहिणी खडसे, अशोक लाडवंजारी, नामदेव चौधरी, विलास पाटील, रिकू चौधरी, अशोक पाटील, वाय. एस. महाजन, संदिप पाटील, योगेश देसले, मंगला पाटील, दिलीप माहेश्वरी, इब्राहिम तडवी, रमेश बहारे, सुनिल माळी, डॉ. रिजवान खाटिक, सुदाम पाटिल, अभिलाशा रोकडे, जयश्री पाटील, कोमल पाटील, किरण राजपूत, राजु मोरे, सुशिल शिंदे, अशोक सोनवणे, राहुल टोके, अनिल पवार, विशाल देशमुख, पी.एस. पाटील, प्रमोद पाटील, डॉ.अभिषेक ठाकूर, प्रा.आर. व्ही. पाटील आदी उपस्थित होते.
