लालसिंग पाटील | भडगाव, दि. १० – तालुक्यातील कजगाव येथुन जवळच असलेल्या लोण पिराचे येथे मोहरम निमीत्ताने मंगळवारी ताजिया मिरवणुक मोठ्या उत्साहात संपन्न करण्यात आली. ताजिया मिरवणुक व विसर्जन मध्ये लोणसह परीसरातील नागरिक मोठया संख्येने सहभागी झाले होते.
हिंदु-मुस्लीम बांधवांनी दर्शना साठी गर्दी केल्याने सर्वधर्म समभाग चा प्रत्यय येथे पाहायला मिळाला. हिंदु मुस्लिम एकतेचे प्रतिक म्हणुन लोण पिराचे येथील दर्गा प्रसिध्द आहे. हिंदु मुस्लीम बांधव नेहमी एकत्र येत येथे वर्षभर विविध धार्मिक कार्यक्रम संपन्न करतात. मात्र गेल्या दोन वर्षांपासून कोरोना मुळे सारे धार्मिक कार्यक्रम बंद होते. दोन वर्षांनंतर मोहरम निमीत्त ताजिया मिरवणुक काढण्यात आली. यात लोण पिराचे पंचक्रोशीतील हिंदू मुस्लीम बांधव मोठ्या संख्येने सहभागी झाले.
ताजिया या कार्यक्रमासाठी कजगाव, बोदर्डे, कनाशी, बोरनार, घुसर्डी व लोण पिराचे या सर्व गावात हिंदु व मुस्लिम समाजाचे कार्यकर्ते पुर्ण गावात फिरून (खिचडा) अन्न धान्य व रोख स्वरूपात आलेल्या वर्गणीतून (खिचडा मधुन) दर्गाच्या प्रांगणात भाजी भाकर बनवत महाप्रसादाचे आयोजन करण्यात येते. प्रसंगी लोण पिराचे पंचक्रोशीतील नागरिक सह गावातील नागरिक जे बाहेर गावी उद्योग व्यवसाय नोकरी निम्मित स्थायिक झाले आहेत ते देखील या महाप्रसाद व ताजिया मिरवणुकीत सहभागी होतात.
ताजिया ची गावातून मिरवणुक काढण्यात आली प्रसंगी मिरवणुकी नंतर दर्ग्यावर चादर चढविण्यात आली तेथुन ताजिया घुसर्डी येथे नेण्यात आले. तेथील मिरवणुकी नंतर गिरणा नदीत ताजिया चे विसर्जन करण्यात आले. दरम्यान फिरोज पिंजारी यांचे तर्फे नागरिकांना शरबत वाटप करण्यात आले. तर कजगाव येथील डॉ.सुधीर देसले यांनी भाविक भक्तांना महाप्रसाद म्हणुन गोड भात चे आयोजन केले होते.
