अमळनेर, दि.०६ – तालुक्यातील मारवड येथील कै. न्हानाभाऊ मन्साराम पाटील कला महाविद्यालयाचे हिंदी विभाग प्रमुख प्रा.डॉ.संजय महाजन यांना कवियत्री बहिणाबाई चौधरी उत्तर महाराष्ट्र विद्यापीठाचे हिंदी विषयाचे पीएच. डी गाईड म्हणून नुकतीच मान्यता मिळाली.
अर्थातच यामुळे कळमसरा गावाच्या शिरपेचात मानाचा तुरा रोवला गेला. प्रा.संजय महाजन यांना हिंदी विषय शिकवण्याचा तब्बल २१ वर्षाचा अनुभव आहे. पीएचडीचे मार्गदर्शक म्हणून ग्रामीण भागास प्रथमच असा बहुमान मिळत असल्याने याच्यात आवड असलेल्या अनेक नवयुवकांना याचा फायदा व प्रोत्साहन मिळणार आहे. ते कळमसरे येथील कळमसरे विद्या प्रसारक संस्थेचे संस्थापक उपाध्यक्ष कै. प्रल्हाद तोताराम महाजन यांचे ते सुपुत्र असून उपशिक्षक विकास प्रल्हाद महाजन यांचे लहान बंधू आहेत.
त्यांच्या यशाचे अभिनंदन मारवड संस्थेचे अध्यक्ष व सर्व संचालक मंडळ, प्राध्यापक, शिक्षक, समाजबांधव तसेच मित्र परिवारा व आप्तेष्टच्या वतीने त्यांच्यावर अभिनंदनचा वर्षाव होत आहे.
