यावल, दि.३१ – भाजपच्या नेत्या तथा केंद्रीय मंत्री स्मृती इराणी यांनी काँग्रेस नेत्या सोनिया गांधी यांच्या विषयी संसदेत असभ्य वर्तवणूक व अपशब्दांचा वापर केल्याचा आरोप युवक काँग्रेसच्या वतीने करण्यात आला. दरम्यान शनिवारी यावल येथे भाजपा विरोधात घोषणाबाजी करत निषेध व्यक्त करण्यात आला.
शहरातील अंकलेश्वर बुरहानपुर राज्य मार्गावर असलेल्या काँग्रेस पक्षाच्या कार्यालयाबाहेर रावेर यावल विधानसभा युवक काँग्रेसच्या वतीने केंद्रीय मंत्री स्मृती इराणी यांचा निषेध केला. दरम्यान कार्यकर्त्यांनी केंद्र सरकार विरोधात जोरदार घोषणाबाजी केली.
यावेळी युवक काँग्रेसचे विधानसभा क्षेत्र अध्यक्ष फैजान शाह, शेख सद्दाम, सरफराज शाह, इरफान खान, विक्की गाजरे, कपिल खान, मो. आदिल नसिमुद्दिन, जव्वाद खान, सकलैन शेख, अबरार शेख, अज़हर शेख, बाबू खान, तौसीफ खान, अकील शेख तसेज, कादिर खान, नगरसेवक समीर खान, नगरसेवक मनोहर सोनवणे, नगरसेवक जकिर शेख, शहर उपाध्यक्ष अनिल जांजले, नईम खान, अश्फाक शाह, जावेद शेख आदींसह कार्यकर्ते, पदाधिकारी उपस्थित होते.