जळगाव, दि.०२ – महाराष्ट्र नवनिर्माण सेनेचे अध्यक्ष राज ठाकरे यांची औरंगाबाद येथे नुकतीच जाहिर सभा झाली. दरम्यान सभेत राज ठाकरे यांनी चिथावणीखोर, दोन समाजात तेढ निर्माण करणारे, सामाजिक सलोखा बिघडेल असे वक्तव्य केल्याचा आरोप राष्ट्रवादी काँग्रेस पार्टीच्या महानगरतर्फे जळगावात करण्यात आला.
तसेच त्यांनी महापुरुषांच्या इतिहासाबद्दल चुकीची माहिती पसरवुन जनतेची दिशाभूल केलेली आहे. यासर्व प्रकारांमुळे आमच्या व सर्व जनतेच्या भावना दुखावल्या गेलेल्या आहेत. त्यामुळे त्यांचे संपूर्ण भाषण ऐकून त्यांच्यावर भारतीय संविधानात तरतूद असल्याप्रमाणे कायदेशीर कारवाई करण्यात यावी. अशी मागणी राष्ट्रवादी काँग्रेस पार्टी जळगाव जिल्हा महानगरच्या वतीने जिल्हा पोलिस अधीक्षक डॉ. प्रविण मुंडे यांना निवेदन देऊन करण्यात आली.
याप्रसंगी महानगर अध्यक्ष अशोक लाडवंजारी, युवक जिल्हाध्यक्ष रवींद्र नाना पाटिल, सुनील माळी, राजू मोरे, सुशील शिंदे, अमोल कोल्हे, डॉ. रिजवान खाटिक, किरण राजपूत, रमेश बाहरे, अकिल पटेल, राहुल टोके, नईम खाटिक, जितू बागरे, ईब्राहीम तडवी, किरण चव्हाण आदींसह पदाधिकारी उपस्थित होते.
