जळगाव, दि. १९ – यावल रस्त्यावरील रखडलेल्या पुलाच्या कामासाठी आसोदा-भादली येथील ग्रामस्थांनी सोमवारी सार्वजनिक बांधकाम विभागाच्या विरोधात पुलाजवळ आंदोलन केले.
दरम्यान गेल्या दोन ते तीन महिन्यांपासून पुलाचे काम ठेकेदाराने काम बंद केल्याने ग्रामस्थ आक्रमक झाले असून पुलाच्या कामामुळे रस्त्यावरील वाहतूक दुसऱ्या मार्गाने वळवली आहे. त्यामुळे वाहनधारकांना मोठा त्रास सहन करावा लागत आहे.
येत्या दोन दिवसात पुलाचे काम सुरू न झाल्यास तीव्र आंदोलन छेडण्यात येईल असा इशारा ग्रामस्थांनी दिलायं.
