जळगाव, दि.०९ – राष्ट्रवादीचे नेते खासदार शरद पवार यांच्या घरावर दगडफेक झाल्याच्या निषेधार्थ जळगावात शनिवारी राष्ट्रवादी युवक काँग्रेसच्या वतीने महात्मा गांधी उद्यानात शांततेच्या मार्गाने निषेध आंदोलन करण्यात आले. हल्लेखोरांना सद्बुद्धी यावी अशी प्रार्थना देखील यावेळी करण्यात आली. दरम्यान हल्लेखोरांवर कठोर कारवाईची मागणी करण्यात आली.
यावेळी प्रदेश चिटणीस एजाज मलिक, राष्ट्रवादीचे महानगराध्यक्ष अशोक लाडवंजारी, ललित बागुल, युवक काँग्रेसचे महानगराध्यक्ष रिकु चौधरी, सुशील शिंदे, ऍड सचिन पाटील, अमोल कोल्हे, राजू मोरे, किरण राजपूत संजय जाधव रहीम तडवी रिजवान खाटीक, राहुल टोके प्रसाद वानखेडे, अकील पटेल आदी पदाधिकारी, कार्यकर्त्यांची उपस्थिती होती.
