जळगाव, (प्रतिनिधी) : आज दिनांक 20 जून 2026 रोजी गोदावरी फाउंडेशन संचलित डॉ. गुणवंतराव सरोदे आयुर्वेद महाविद्यालय, हॉस्पिटल व रिसर्च सेंटर, जळगाव येथे डीन डॉ. हर्षल बोरोले यांच्या मार्गदर्शनाखाली पालक-शिक्षक सभेचे आयोजन करण्यात आले.
या सभेमध्ये विद्यार्थ्यांची शैक्षणिक प्रगती, नियमित उपस्थिती, महाविद्यालयातील शिस्त, अभ्यासक्रमाचे नियोजन, तसेच विद्यार्थ्यांच्या सर्वांगीण विकासाबाबत पालकांशी सविस्तर चर्चा करण्यात आली. पालकांनी विद्यार्थ्यांच्या प्रगतीसंदर्भात विविध सूचना व अभिप्राय मांडले. महाविद्यालयाच्या वतीने पालकांच्या सर्व शंकांचे समाधान करण्यात आले.
यावेळी डीन डॉ. हर्षल बोरोले यांनी पालकांना विद्यार्थ्यांच्या उज्ज्वल भविष्यासाठी महाविद्यालय व पालक यांच्यात सातत्यपूर्ण समन्वय आवश्यक असल्याचे सांगितले. विद्यार्थ्यांनी नियमित अभ्यास, शिस्त व व्यावसायिक नैतिकतेचे पालन करून उत्कृष्ट आयुर्वेद वैद्य बनावे, असे आवाहन त्यांनी केले. या पालक-शिक्षक सभेस महाविद्यालयातील प्राध्यापक, पालक मोठ्या संख्येने उपस्थित होते.
