जळगाव, (प्रतिनिधी) : डॉ. गुणवंतराव आयुर्वेद वैद्यकीय महाविद्यालयात आजपासून आरोहण २०२६ वार्षिक स्नेहसंमेलनाचा कुरुक्षेत्र या क्रीडा स्पर्धेचे अत्यंत उत्साहपूर्ण वातावरणात उद्घाटन करण्यात आले. दरम्यान डॉ. उल्हास पाटील यांच्या प्रमुख उपस्थितीत मशाल प्रज्वलित करून तसेच आरोहण २०२६ चे प्रतीकात्मक फलक प्रदर्शित करून महोत्सवाच्या प्रारंभाची घोषणा केली.
यावेळी महाविद्यालयाचे अधिष्ठाता डॉ. हर्षल बोरोले यांच्यासह प्राध्यापकवर्ग, अध्यापन कर्मचारी आणि विद्यार्थी मोठ्या संख्येने उपस्थित होते. कुरुक्षेत्रात विविध प्रकारच्या क्रिडा स्पर्धाचे आयोजन पुढील तिन दिवसात करण्यात आले आहे.यात कबड्डी, क्रिकेट, बॅडमिंटन, व्हॉलीबॉल यांसारख्या विविध सांघिक व वैयक्तिक क्रीडा स्पर्धांमध्ये विद्यार्थ्यांनी उत्स्फूर्त सहभाग नोंदविला.
महोत्सवाचे पुढील ५ दिवसात ८ ते १० मे – क्रीडा स्पर्धा,११ मे – प्रॉम नाईट, १२ मे – डी जे नाईट व नंतर सांस्कुतिक कार्यक्रमाने समारोप केला जाणार आहे. विद्यार्थ्यांच्या ऊर्जा, एकता आणि खिलाडूवृत्तीचा संगम असलेल्या या सोहळ्याने संपूर्ण महाविद्यालय परिसर उत्साहाने भारून गेला. यावेळी मान्यवरांनी क्रिडा स्पर्धामूळे शारीरीक व्यायाम तसेच एकोप्याची भावना निर्माण होते. प्रत्येक स्पर्धा खिलाडूवृत्तीने घेण्याचा संदेश दिला.
