जळगाव, (प्रतिनिधी) : हिंदुहृदयसम्राट शिवसेनाप्रमुख बाळासाहेब ठाकरे यांच्या स्मृतिदिनानिमित्त शिवसेना जळगाव महानगर शाखेच्या वतीने त्यांना विनम्र अभिवादन करण्यात आले. जळगावमधील सर्व शिवसैनिकांनी एकत्र येऊन आपल्या ‘प्रमुखां’च्या स्मृतींना उजाळा दिला.
यावेळी आयोजित अभिवादन कार्यक्रमास शिवसेना आणि युवा सेनेचे पदाधिकारी व शिवसैनिक मोठ्या संख्येने उपस्थित होते. यात शिवसेना महानगर प्रमुख शरद तायडे, गजानन मालपुरे, उपमहानगर प्रमुख गणेश गायकवाड, प्रशांत सुरळकर यांची प्रमुख उपस्थिती होती. युवा सेनेच्या वतीने विभागीय सचिव विराज कावडिया, जिल्हाप्रमुख पियुष गांधी, विधानसभा क्षेत्र प्रमुख अमित जगताप यांनी बाळासाहेबांच्या कार्याला वंदन केले.
याप्रसंगी शिवसेना तालुकाप्रमुख प्रमोद घुगे, उपजिल्हाप्रमुख भाऊसाहेब सोनवणे, विभाग प्रमुख विजय बांदल, राजेंद्र पाटील, वसंत गवळी, ईश्वर राजपूत, शोएब खाटीक, महिला आघाडी उपमहानगर प्रमुख निता सांगोळे यांच्यासह निलेश ठाकरे, किरण ठाकूर, बापू मेने, उमेश चौधरी, सौरभ चौधरी, शरीफ रंगरेज, प्रेम सांगोळे, निलेश जोशी, पंकज जोशी, हर्षल मुंढे, कलीम खान, प्रीतम शिंदे आदी शिवसैनिक मोठ्या संख्येने उपस्थित राहून त्यांनी आपल्या लाडक्या नेत्याला आदरांजली वाहिली.
