जळगाव, दि. 19 – बंगळूर येथे झालेल्या छत्रपती शिवाजी महाराज यांच्या पुतळ्याची विटंबना प्रकरणी जळगाव जिल्हा महानगर राष्ट्रवादी काँग्रेस पार्टीच्या वतीने या घटनेचा निषेध व्यक्त करण्यात आला.
त्याच प्रमाणे निंदनीय व संतापजनक घटनेवर कर्नाटकचे मुख्यमंत्री बसवराज बोम्मई यांनी कुठलीही कारवाई न करता समाजकंटकांना पाठीशी घातल्याचा आरोप शिवप्रेमींनी केला. या संपुर्ण प्रकारचा निषेध व्यक्त करण्यासाठी राष्ट्रवादी काँग्रेस पार्टीच्या वतीने रविवार शहरातील शिवतीर्थ मैदान येथील छत्रपती शिवाजी महाराज यांच्या पुतळ्याला पाण्याने धुण्यात आले. व त्याच ठिकाणी छत्रपती शिवाजी महाराजांची मूर्तीला पंचामृताने अभिषेक करून पुष्पहार अर्पण करण्यात आला.
छत्रपती शिवाजी महाराज आमची अस्मिता आहे व आमच्या अस्मितेचा कुणी अपमान करत असेल तर आम्ही ते कदापि सहन करणार नाही. कर्नाटक सरकारने या समाजकंटकांना शोधुन त्यांच्यावर कठोर कारवाई करावी , जेणेकरून यापुढे कुणीही असे निंदनीय काम करण्याची हिंमत करणार नाही. तसेच कर्नाटकच्या मुख्यमंत्र्यांनी यापुढे असे बेताल वक्तव्य करू नये. असे मत माजी मंत्री तथा जेडीसीसी बँकेचे चेअरमन गुलाबराव देवकर यांनी व्यक्त केले. दरम्यान कर्नाटकच्या मुख्यमंत्र्यांच्या विरोधात घोषणा देऊन घटनेचा तीव्र निषेध व्यक्त करण्यात आला.
यावेळी माजी मंत्री तथा जेडीसीसी बँकेचे चेअरमन गुलाबराव देवकर, राष्ट्रवादी काँग्रेस महानगर जिल्हाध्यक्ष अशोक लाडवंजारी, प्रदेश चिटणीस ऐजाज मलिक, जिल्हा कार्याध्यक्ष विलास पाटील, जिल्हा सरचिटणीस अशोक पाटील, सहकार आघाडीचे जिल्हाध्यक्ष वाल्मिक पाटील, महिला आघाडी महानगर अध्यक्षा मंगला पाटील, दिलीप माहेश्वरी, विनोद देशमुख, मजहर पठाण, सुनिल माळी, अमोल कोल्हे, वाय.एस. महाजन, सुशील शिंदे, विशाल देशमुख, किरण राजपूत, राजूभाऊ मोरे, रमेश बाऱ्हे, अशोक सोनवणे, जितेंद्र चांगरे, राहुल टोके, सचिन पाटील, मुविकोरोज कोल्हे, पंकज वाघ, यशवंत पाटील यांच्या सह राष्ट्रवादी काँग्रेसचे पदाधिकारी व कार्यकर्ते उपस्थित होते.
