भुसावळ, (प्रतिनिधी) : शहरात एक कुटुंब लग्नकार्याला बुलढाणाकडे गेले असताना घरात अचानक शॉर्टसर्किटमुळे आग लागली. काझी प्लॉट भागात गुरुवारी दि. १५ मे रोजी सकाळी ही घटना घडली. या आगीत सुमारे ५ लाखांचे नुकसान झाले असून, टीव्ही, फ्रीज, इलेक्ट्रिक सामान व इतर साहित्य जळून खाक झाले आहेत.
भुसावळ शहरातील काझी प्लॉट भागात इकबाल पिंजारी व फरीद पिंजारी हे दाम्पत्य वास्तव्याला आहेत. गुरुवारी सकाळी परिवारातील एका तरुणाचे लग्नकार्य असल्यामुळे ते बुलढाण्याकडे निघाले होते. त्यानंतर त्यांच्या घरात अचानक शॉर्टसर्किटमुळे आग लागली. पिंजारी यांच्या घरात आग लागल्याचे परिसरातील नागरिकांना लक्षात येताच त्यांनी तात्काळ धाव घेतली. घरात प्रवेश करून अग्नीशमन दल येईपर्यंत आगीवर नियंत्रण मिळवण्याचे प्रयत्न केले. मात्र या अग्नीतांडवामुळे पिंजारी यांच्या घरातील संसाररोपयोगी वस्तू, तीस ते चाळीस हजार रुपये रोख व महत्त्वाची कागदपत्रे जळून खाक झाली. या आगीत सुमारे ५ लाखांचे नुकसान झाले असून, टीव्ही फ्रीज, इलेक्ट्रिक समान व इतर साहित्य जळून खास झाले आहेत. याबाबत शेजारी राहणाऱ्या नाजीम यांनी पिंजारी यांना माहिती दिली. घरातील साहित्य खाक झाल्याने पिंजारी कुटुंबीयातील अनेकांना अश्रू अनावर झाले.
