रावेर, (प्रतिनिधी) : तालुक्यातील सावदा येथील ख्वाजानगर परिसरात निमजायमाता मंदिर रोडवरील एका गोठ्यात दि. ११ मे रोजी दुपारी १.३० वाजेच्या सुमारास एकाने दोन गायींना क्रूरपणे बांधून कत्तल करण्याच्या उद्देशाने गोठ्यात ठेवल्याचा प्रकार उघडकीस आला. पोलिसांना पाहताच संशयित आरोपी घटनास्थळावरून पसार झाला. सावदा पोलीस स्टेशनला गुन्हा दाखल करण्यात आला आहे.
शेख रसुल शेख चांद कुरेशी (रा. सावदा) याच्यावर गुन्हा दाखल झाला आहे. त्याने ५० हजार रुपये किमतीची जर्सी संकरित जातीची गाय आणि १० हजार रुपये किमतीचे होल्स्टेन संकरित जातीचे वासरू यांना आखूड दोराने क्रूरपणे मान आणि पाय बांधून गोठ्यात डांबले होते. या गायींची एकूण किंमत ६०,००० रुपये आहे. या संदर्भात सावदा पोलीस ठाण्याचे पोलीस हवालदार निलेश जगतराव बाविस्कर (वय ३९) यांनी दिलेल्या फिर्यादीवरून सावदा पोलीस ठाण्यात गुन्हा दाखल करण्यात आला आहे. सहायक पोलीस निरीक्षक विशाल पाटील यांच्या मार्गदर्शनाखाली पुढील तपास पोलीस उपनिरीक्षक अमोल गर्जे हे करीत आहेत.
