जळगाव, दि.15 – महाराष्ट्राचे शिक्षण राज्यमंत्री आणि प्रहार जनशक्ती पक्षाचे राष्ट्रीय अध्यक्ष नामदार बच्चु कडू हे दिनांक १६ नोव्हेंबर रोजी जळगाव जिल्हा दौऱ्यावर येत आहेत. चाळीसगाव येथे त्यांचा एक कार्यक्रम होणार आहे. दरम्यान ते जामनेर तालुक्यातील कार्यकर्त्यांची भेट घेणार आहेत. दिनांक १६ नोव्हेंबर रोजी सकाळी दहा वाजता बोदवड चौफुलीवर जामनेर तालुका प्रहार जनशक्ती कार्यकर्त्यांशी ना. बच्चु कडू चर्चा करणार असल्याची माहिती प्रहार जनशक्ती पक्षाचे तालुकाध्यक्ष प्रदीप गायके यांनी दिली.
अकोला येथून सकाळी चाळीसगावला येण्यासाठी त्यांचे मोटारीने प्रयाण होणार असून मलकापूर, नांदुरा, बोदवड, जामनेर, पाचोरा, भडगाव याठिकाणी कार्यकर्त्यांच्या धावत्या भेटी घेणार आहेत. यावेळी ते कार्यकर्त्यांना मार्गदर्शन करणार आहेत. प्रहार जनशक्ती संघटनेच्या तालुक्यातील कार्यकर्त्यांनी उपस्थित राहावे असे आवाहन जामनेर तालुकाध्यक्ष प्रदीप गायके, विधानसभा क्षेत्र प्रमुख मनोजकुमार महाले, शहर अध्यक्ष वसंता माळी, युवक तालुकाध्यक्ष मयुर पाटील, विधानसभा क्षेत्रप्रमुख जीवन सपकाळ यांनी केले आहे.
