जळगाव, दि.15 – राष्ट्रवादी युवक काँग्रेसच्या जळगाव जिल्हा प्रभारी पदी सागर कुंदे-पाटील यांची नियुक्ती करण्यात आली. राष्ट्रवादी काँग्रेस पार्टीचे महाराष्ट्र प्रदेशाध्यक्ष जयंत पाटील यांच्या मान्यतेने ही निवड करण्यात आली आहे.
पक्षाचे हित लक्षात घेत, राष्ट्रवादी काँग्रेस पार्टीचे अध्यक्ष शरद पवार साहेबांचे विचार सोबत घेऊन मोठ्या जबाबदारीने राष्ट्रवादी काँग्रेसच्या माध्यमातून दिलेली जबाबदारी पार पाडण्याचा विश्वास नवनिर्वाचित जिल्हा प्रभारी सागर कुंदे पाटील यांनी व्यक्त केला.
राष्ट्रवादी युवक काँग्रेसचे प्रदेशाध्यक्ष मेहबूब शेख यांच्या सहीचे नियुक्ती पत्र देण्यात आले. यावेळी कार्याध्यक्ष रविकांत वर्पे, कार्याध्यक्ष सूरज चव्हाण यांच्यासह जळगाव जिल्ह्यातील पदाधिकारी, कार्यकर्त्यांनी अभिनंदन केले.
