चाळीसगाव, (प्रतिनिधी) : तालुक्यातील वाघळी येथे अवैध गॅस रिफिलिंगचा अड्डा स्थानिक गुन्हे शाखेच्या पोलीसांकडून उद्धस्त करण्यात आला आहे. पोलीसांनी भरलेले व रिकामे अशी ९ गॅस सिलैंडरासह वाहनांमध्ये गॅस भरण्यासाठी लागणारे मशिन असा सुमारे ३१ हजार रूपयांचा मुद्देमाल जप्त केला. याप्रकरणी चाळीसगाव ग्रामीण पोलीस स्टेशनला गुन्हा दाखल करण्यात आला आहे.
वाघळी येथे सर्रासपणे अवैधपणे गॅस भरत असल्याची गुप्त माहिती मिळाली असता, जळगाव व चाळीसगाव ग्रामीण पौलीसांनी दि. १३ सोमवारी दुपारी छापा टाकून, ९ हजार रूपये किंमतीचे सिलबंद स्थितीत असलेले घरगुती वाफ्राचे प्रत्येकी १४.२ किलो वजनाचे तीन गॅस सिलेंडर, १२ हजार रूपये किंमतीचे प्रत्येकी १४.२ किलो वजनाचे सह गॅस सिलेंडर रिकामे व १० हजार रुपये किंमतीचे गॅस सिलेंडरमधील एलपीजी गॅस वाहनांमध्ये भरण्यासाठी लागणारे प्रेशर मशिन व इलेक्ट्रीक मोटार तसेच प्लाटस्टीकच्या नळ्या, वापरण्यात येणारे कीट असे साहित्य असा एकुण ३१ हजारांचा ऐवज जप्त केला.
ही कारवाई स्थानिक गुन्हे शाखा जळगावचे उपनिरीक्षक शेखर डोमाळे, हवालदार सुधाकर अंभोरे, राहल पाटील, चालक भरत पाटील, चाळीसगाव ग्रामीण पोलीस स्टेशनचे हवालदार प्रविण सपकाळे यांनी केली. याप्रकरणी संशयित दीपक केवट रा. वाघळी याच्या विरोधात चाळीसगाव ग्रामीण पोलीस स्टेशनला गुन्हा दाखल करण्यात आला. पुढील तपास पोलीस करीत आहेत.
