नागपूर, (प्रतिनिधी) : अनेक दिवसांपासून महाराष्ट्रात खाते वाटपाची वाट पाहत असलेल्या मंत्र्यांना आज अखेर सायंकाळी राज्य सरकारने खातेवाटप जाहीर केले आहे. यात मुख्यमंत्री देवेंद्र फडणवीस यांच्याकडे गृह व उर्जा खात्याची जबाबदारी टाकण्यात आली आहे.
त्याचबरोबर उपमुख्यमंत्री एकनाथ शिंदे यांच्याकडे नगर विकास खाते देण्यात आले असून दुसरे उपमुख्यमंत्री अजित पवार यांना अर्थ खाते देण्यात आले आहे. तर महसूल खात्याची जबाबदारी चंद्रशेखर बावनकुळे यांना मिळाली आहे. चंद्रकांत पाटील यांना उच्च व तंत्र शिक्षण खात्याची जबाबदारी दिली आहे.
जळगाव जिल्ह्याचा विचार केला तर या ठिकाणी तीन कॅबिनेट मंत्रीपदे जिल्ह्याला मिळाली आहेत. यात गिरीश महाजन यांना जलसंपदा (विदर्भ, तापी, कोकण) व आपत्ती व्यवस्थापन खाते मिळाले आहे. गुलाबराव पाटील यांना पूर्वीचेच पाणीपुरवठा व स्वच्छता खात्याची जबाबदारी मिळाली आहे. तर संजय सावकारे यांना वस्त्र उद्योग खाते मिळाले आहे.
जळगाव जिल्ह्यात तीनही कॅबिनेट मंत्री असल्याने आता पालकमंत्री पद नेमकं कुणाला मिळत, याकडे जळगाव जिल्ह्यात उत्सुकता लागली आहे.
कॅबिनेट मंत्री.
चंद्रशेखर बावनकुळे – महसूल
राधाकृष्ण विखे पाटील – जलसंपदा ( गोदावरी व कृष्णा खोरे विकास)
हसन मुश्रीफ – वैद्यकीय शिक्षण
चंद्रकांत पाटील – उच्च व तंत्रशिक्षण, संसदीय कामकाजमंत्री
गिरीश महाजन – जलसंपदा (विदर्भ, तापी, कोकण विकास), आपत्ती व्यवस्थापन
गुलाबराव पाटील – पाणीपुरवठा व स्वच्छता
गणेश नाईक – वन
दादाजी भुसे – शालेय शिक्षण
संजय राठोड – माती व पाणी परीक्षण
धनंजय मुंडे – अन्न व नागरी पुरवठा आणि ग्राहक संरक्षण
मंगलप्रभात लोढा – कौशल्य विकास, रोजगार, उद्योग व संशोधन
उदय सामंत – उद्योग व मराठी भाषा
जयकुमार रावल – विपणन, प्रोटोकॉल
पंकजा मुंडे – पर्यावरण व वातावरण बदल, पशुसंवर्धन
अतुल सावे – ओबीसी विकास, दुग्धविकास मंत्रालय, ऊर्जा नुतनीकर
अशोक उईके – आदिवासी विकास मंत्रालय
शंभूराज देसाई – पर्यटन, खाण व स्वातंत्र्य सैनिक कल्याण मंत्रालय
आशिष शेलार – माहिती व तंत्रज्ञान
दत्तात्रय भरणे – क्रीडा व अल्पसंख्याक विकास व औकाफ मंत्रालय
अदिती तटकरे – महिला व बालविकास
शिवेंद्रराजे भोसले – सार्वजनिक बांधकाम
माणिकराव कोकाटे – कृषी
जयकुमार गोरे – ग्रामविकास, पंचायत राज
नरहरी झिरवाळ – अन्न व औषध प्रशासन
संजय सावकारे – वस्त्र उद्योग
संजय शिरसाट – सामाजिक न्याय
प्रताप सरनाईक – वाहतूक
भरत गोगावले – रोजगार हमी,फलोत्पादन
मकरंद पाटील – मदत व पुनर्वसन
नितेश राणे – मत्स्य आणि बंदरे
आकाश फुंडकर – कामगार
बाबासाहेब पाटील – सहकार
प्रकाश आबिटकर – सार्वजनिक आरोग्य आणि कुटुंब कल्याण
राज्यमंत्री (State Ministers)
माधुरी मिसाळ – सामाजिक न्याय, अल्पसंख्याक विकास , वैद्यकीय शिक्षण
आशिष जयस्वाल – अर्थ आणि नियोजन, विधी व न्याय
मेघना बोर्डीकर – सार्वजनिक आरोग्य, कुटुंब कल्याण, पाणी पुरवठा
इंद्रनील नाईक – उच्च आणि तंत्र शिक्षण , आदिवासी विकास आणि पर्यटन
योगेश कदम – गृहराज्य शहर
पंकज भोयर – गृहनिर्माण
