जळगाव : जळगाव शहराला पाणीपुरवठा केला जाणारा वाघूर पंपिंग स्टेशनचा वीज पुरवठा मंगळवारी ब्रेक डाऊन झाल्यामुळे खंडित झाला आहे. त्यामुळे शहराचा पाणीपुरवठा एक दिवस पुढे ढकलण्यात आला असल्याची माहिती महापालिकेच्या पाणी पुरवठा विभागाकडून देण्यात आली.
वाघुर धरणा जवळील जळगाव शहरासाठी असलेल्या पाणीपुरवठा पंपगृहाला विद्युत पुरवठा करणारी वाहिनी जळगाव विमानतळ जवळ ब्रेक डाऊन झाली. त्यामुळे मंगळवारी सकाळी १० वाजेपासून वीज पुरवठा खंडित झालेला आहे. वीज पुरवठा पूर्ववत करण्याचे काम महावितरण कंपनी कडून सुरू आहे. अद्यापही वीज वाहिनी कार्यान्वित झालेली नसल्याने मंगळवारी ज्या भागात पाणीपुरवठा झाला नाही, या भागात बुधवार दि. ४ रोजी होईल. तसेच बुधवारचा पूर्वनियोजित असलेला पाणीपुरवठा एक दिवस उशिराने होणार आहे.
