सोलापूर मार्गावरील कदमवाक वस्तीजवळची घटना
पुणे (वृत्तसंस्था ) एका खासगी बसला अचानक आग लागली. ही बस आगीत संपूर्ण जळाली आहे. ही घटना आज सकाळी ९ वाजता हडपसर येथील सोलापूर मार्गावरील कदमवाक वस्तीलगत घडली. या बसमधून १४ प्रवासी प्रवास करत होते.
ही घटना चालकाच्या लक्षात आल्याने थोडक्यात बसमधील प्रवाशांचे प्राण वाचले. आज सकाळी एक खासगी ट्रॅव्हलबस काही प्रवाशांना घेऊन पुणे सोलापूर मार्गाने जात होती. ही बस हडपसर येथे आली असुन बसमधून अचानक मोठा धूर येऊ लागला. चालकाने खबरदारी घेत तातडीने बस रस्त्यावरच थांबवली. व तातडीने प्रवाशांना गाडीतून उतरण्यास सांगितले.
या बसमध्ये तब्बल १४ प्रवासी आणि चालक व त्याचा सहकारी प्रवास करत होते. प्रवाशांना खाली उतरवल्यावर बसने अचानक पेट घेतला व पाहता पाहता संपूर्ण बस आगीच्या भक्ष्यस्थानी पडली. या घटनेची माहिती पुणे महानगर पालिकेच्या अग्निशामक दलाला मिळाली. त्यानंतर अग्निशमन दलाकडून हडपसर व पीएमआरडीए येथून अग्निशमन वाहन रवाना करण्यात आले.
