फराज अहमद | जामनेर, दि. २२ – येथील पुरा भागातील रहिवासी गोकुळ आनंदा राजपूत वय वर्ष २७ याचा शेतात विजेचा धक्का लागून मृत्यू झाल्याची घटना सोमवारी घडली.
दरम्यान गोकुळ रात्री आपल्या शेतात पिकांना पाणी देण्यासाठी गेला होता, पाणी देत असताना त्याचा विजेच्या तारेला स्पर्श झाल्याने जोरदार धक्का बसला यातच गोकुळचा मुत्यू झाल्याचे सांगण्यात येत आहे.
गोकुळ सकाळी घरी आला नाही म्हणून त्याची आई त्याला फोन लावत होती मात्र फोन वाजत असूनही कुणी फोन का उचलला नाही, म्हणून गावातील लोक त्याला शोधण्यासाठी शेतात गेले असता, त्या ठिकाणी गोकुळ मयत स्थितीत दिसून आला. यावेळी त्याला जामनेर ग्रामीण रुग्णालयात उपचारासाठी दाखल करण्यात आले मात्र वैद्यकीय अधिकाऱ्यांनी त्याला मृत घोषित केले.
त्याच्या पश्चात आई, वडील, पत्नी, भाऊ, विवाहित बहिणी असा परिवार आहे. गोकुळ याचे लग्न एक वर्षापूर्वीच झाले होते. जामनेर पुरा भागांमध्ये त्याला अतिशय कष्टाळू व मनमिळावू म्हणून ओळखले जात होते.
