मुक्ताईनगरात गॅस गोडाऊन फोडून ८४ हजारांचे ४६ सिलिंडर लांबवले
मुक्ताईनगर मुक्ताईनगर ते मलकापूर मार्गावरील एनएच-७५३एल रस्त्यालगत असलेल्या ‘इंडियन गॅस गोडाऊन’मध्ये १७ ऑगस्टच्या सायंकाळी ६ ते १८ ऑगस्टच्या सकाळी ८ वाजेदरम्यान अज्ञात चोरट्याने घरफोडी केली. चोरट्याने गोडाऊनमधून १४.२ किलोचे २४ रिकामे घरगुती सिलिंडर (किंमत ५२,८०० रु.), १० किलोचे ३ रिकामे सिलिंडर (किंमत ९,००० रु.), १० किलोचे ३ भरलेले सिलिंडर (किंमत ११,०३१ रु.) आणि ५ किलोचे ६ भरलेले व्यावसायिक सिलिंडर (किंमत ११,३७० रु.) असा एकूण ८४ हजार २०१ रुपये किमतीचा ४६ गॅस सिलिंडरचा साठा लांबवला.
या प्रकरणी गोडाऊनचे मॅनेजर दीपक समाधान कवळे (वय ४३, रा. धरणगाव, ता. मलकापूर) यांच्या फिर्यादीवरून १८ ऑगस्ट रोजी मुक्ताईनगर पोलीस ठाण्यात अज्ञात चोरट्याविरुद्ध गुन्हा (क्र. ३२१/२०२६ BNS कलम ३३१(४), ३०५(अ)) दाखल करण्यात आला आहे. पोलीस हेड कॉन्स्टेबल लिलाधर भोई या प्रकरणाचा तपास करत आहेत.
