जळगाव, (प्रतिनिधी) : शहरातील निवृत्ती नगर परिसरातील सामाजिक कार्यात नेहमी अग्रेसर असणाऱ्या मनीषा प्रदीप चौधरी यांची प्रदेश तेली महासंघाच्या जळगाव महिला महानगर अध्यक्षपदी निवड करण्यात आली आहे. त्यांच्या या निवडीमुळे समाजातील महिलांच्या सक्षमीकरणाच्या कार्याला अधिक बळ मिळणार आहे.
प्रदेश तेली महासंघाची महत्त्वपूर्ण बैठक नुकतीच नंदुरबार येथे आयोजित करण्यात आली होती. महासंघाचे प्रदेशाध्यक्ष विजय चौधरी यांच्या अध्यक्षतेखाली ही बैठक पार पडली. या बैठकीत मनीषा प्रदीप चौधरी यांच्या सामाजिक कार्याची आणि नेतृत्वाची दखल घेण्यात आली. सर्वानुमते त्यांच्या नावावर शिक्कामोर्तब करत त्यांची महिला महानगर अध्यक्षपदी निवड करण्यात आली.
यावेळी बैठकीला महिला जिल्हाध्यक्ष निर्मला चौधरी, नाशिक विभागीय युवक अध्यक्ष प्रशांत सुरळकर, विनोद चौधरी, सारिका चौधरी, योगिता चौधरी, स्वप्निल चौधरी, धनंजय चौधरी आदींसह समाजबांधव मोठ्या संख्येने उपस्थित होते. मनीषा चौधरी यांच्या निवडीमुळे समाजातील अनेक मान्यवरांकडून त्यांचे अभिनंदन करण्यात येत असून त्यांना पुढील कार्यासाठी शुभेच्छांचा वर्षाव होत आहे.
