बोदवड, (प्रतिनिधी) : तालुक्यातील एणगाव येथे एका महिलेचे बंद घर फोडून अज्ञात चोरट्यांनी सोन्या-चांदीचे दागिने आणि रोख रक्कम असा एकूण ९१ हजार रुपये किमतीचा मुद्देमाल चोरून नेला आहे. याप्रकरणी बोदवड पोलीस स्टेशनला गुन्हा दाखल करण्यात आला आहे.
इंदुबाई अर्जुन अंभोरे (वय ५०, रा. एणगाव) यांचे दिनांक २२ ते २३ फेब्रुवारी दरम्यान घर बंद होते. अज्ञात चोरट्यांनी बंद घराचे कुलूप तोडून आत प्रवेश केला आणि घरातील सोन्या-चांदीचे दागिने व रोख रक्कम असा एकूण ९१ हजार रुपयांचा ऐवज चोरून नेला. या घटनेची माहिती अंभोरे यांनी बोदवड पोलीस ठाण्यात दिली. त्यानुसार पोलिसांनी अज्ञात चोरट्यांविरोधात गुन्हा दाखल केला आहे. पुढील तपास पोलीस कॉन्स्टेबल संतोष चौधरी करत आहेत.
