पुणे, दि.२२ : महाराष्ट्र राज्य माध्यमिक आणि उच्च माध्यमिक शिक्षण मंडळाने इयत्ता १०वी आणि १२ वी च्या बोर्ड परीक्षा २०२५ च्या तारखा जाहीर केल्या आहे. यामध्ये १२ वी बोर्डाच्या परीक्षा ही दि. ११ फेब्रुवारी ते ११ मार्च २०२५ या कालावधीत होणार आहेत. तर इयत्ता १० वीची परीक्षा २१ फेब्रुवारीपासून सुरू होणार असून ती १७ मार्च २०२५ पर्यंत चालणार आहे. महाराष्ट्र बोर्डाची परीक्षा दोन शिफ्टमध्ये घेतली जाईल.
पहिली शिफ्ट सकाळी ११:०० ते दुपारी २:०० आणि दुसरी शिफ्ट दुपारी ३:०० ते संध्याकाळी ६:०० पर्यंत असेल. दहावीची परीक्षा पहिल्या दिवशी भाषेच्या पेपरने सुरू होईल आणि बारावीची परीक्षा इंग्रजीच्या पेपरने सुरू होईल.
महाराष्ट्र बोर्डाच्या अधिकृत वेबसाइट mahahsscboard.in वर जाऊन विद्यार्थी परिक्षेचे वेळापत्रक डाउनलोड करू शकतात. दहावी आणि बारावी बोर्ड परीक्षांचे प्रवेशपत्र जानेवारी २०२५ मध्ये जारी केले जाईल. महाराष्ट्र मंडळाच्या अधिकृत संकेतस्थळावर हॉल तिकीट प्रसिद्ध केले जाईल. जे विद्यार्थी नोंदणी क्रमांक आणि जन्मतारीख द्वारे डाउनलोड करण्यास सक्षम असतील. बोर्ड परीक्षेशी संबंधित अधिक माहितीसाठी, विद्यार्थी त्यांच्या संबंधित शाळांशी संपर्क साधू शकतात.
