जळगाव, दि. ०५ (प्रतिनिधी) : आंतरराष्ट्रीय कुष्ठरोग निवारण संस्था पुणे आणि सहाय्यक संचालक कुष्ठरोग जळगाव ह्यांच्या संयुक्त विद्यमाने रोटरी जळगाव इस्ट यांनी कुष्ठरोग जनजागृती व मानवाधिकार या विषयावर दि. ४ व ५ सप्टेंबर अशी दोन दिवसांची कार्यशाळा संपन्न झाली.
या कार्यक्रमासाठी आमदार राजूमामा भोळे, माजी जि. प. सदस्य प्रतापराव पाटील यांची प्रमुख पाहूणे म्हणून उपस्थिती लाभली. या प्रसंगी रोटरी अध्यक्ष वर्धमान भंडारी, सुरेश घोंगडे, जगतीक आरोग्य संघटना पुणे व डॉ. नितीन भालेराव सहसंचालक, कुसूम, पुणे महाराष्ट्र शासन (कुष्ठ मुक्त महाराष्ट्र) व डॉ. जयवंत मोरे सह. संचालक कुष्ठरोग जळगाव यांनी या योजनेची माहिती दिली.
या कार्यशाळेमध्ये कर्मचारी, प्रशिक्षणार्थी उपस्थित होते. कृष्ठरोगींच्या झोपटपट्टीत असलेल्या वस्त्यांमध्ये पाणी, शौचालय, रस्ते, विज, आरोग्य सेवा याविषयी चर्चा झाली. कार्यक्रमाचे सूत्र संचालन डॉ. इरफान तडवी व आभार प्रदर्शन प्रकल्प प्रमुख रो. रजनिश लाहोटी यांनी केले.
कुष्ठरोगाविषयी असलेल्या समस्या सोडवण्याचे आश्वासन आमदार भोळे यांनी दिले. कार्यशाळेत डॉ. नितीन भालेराव, डॉ. सुरेश घोडगे, डॉ. प्रज्ञा जाधव व इतर मान्यवरांनी कुष्ठरोगाविषयी जनजागृतीपर मार्गदर्शन केले. सदर कार्यशाळेत प्रशिक्षणार्थी व कर्मचारी उपस्थित होते.
