गजानन पाटील | अमळनेर, दि. 23 – तालुक्यातील कळमसरे येथील मोतीलाल भील यांच्या पत्नी हिराबाई मोतीलाल भिल या ३१ मे रोजी जीर्ण झालेल्या सार्वजनिक शौचालयात शौचास गेल्या असता भींत अंगावर पडून जागीच ठार झाल्या होत्या. दरम्यान त्यांच्या वारसास गुरूवारी नैसर्गिक आपत्ती अंतर्गत चार लाखांचा धनादेश आमदारांचा हस्ते सुपूर्द करण्यात आला.
नैसर्गिक आपत्ती अंतर्गत मयत हिराबाई भील यांचे पती मोतीलाल भील यांना चार लाख रूपयांचा धनादेश देण्यात आला. आमदार अनिल पाटील यांनी याकामी पाठपुरावा करुन कुटूंबाला मदत मिळवून दिली. मोतीलाल भील व त्यांच्या परिवाराने आमदार अनिल पाटील तहसीलदार मिलिंद वाघ तसेच स्थानिक प्रशासनाचे आभार मानले.
यावेळी तहसीलदार मिलिंद वाघ, नायब तहसीलदार योगेश पवार, श्याम अहिरे, कळमसरेचे सरपंच जगदीश निकम, उपसरपंच जितेंद्र राजपूत, नगरसेवक भाईदास महाजन, दीपक पाटील, दिनेश पाटील, विनोद सोनवणे, किशोर मालचे आदिंच्या उपस्थिती होती.
राष्ट्रीय कुटुंब अर्थसाहाय्य योजनेच्या माध्यमातून यांनाही मदत..
आशाबाई बापू भिल (मांडळ),
कविता सुक्रम वंजारी (डांगर),
कन्हैयालाल काशीनाथ पाटील (वासरे),
सुरेखा शाम कोळी (अमळगाव),
कमलाबाई राजेंद्र भिल (शिरूड),
शोभा ज्ञानेश्वर पाटील (अमळनेर),
मंगलबाई सजन पाटील (खडके),
जनाबाई शांताराम मोरे (अमळगाव),
अलका अशोक मोरे (पातोंडा),
अनिताबाई ईश्वर पाटील (मुंगसे)
आदी वारसांना राष्ट्रीय कुटुंब अर्थसाहाय्य योजनेअंतर्गत प्रत्येकी २० हजारांचे धनादेश आमदार अनिल भाईदास पाटील यांच्या हस्ते सुपूर्द करण्यात आले.